منابع گزارش دادهاند که تاجیکستان صدور ویزا به اتباع افغانستان را قطع کرده است.
بربنیاد اطلاعاتیکه به بعضی رسانهها رسیده است دولت تاجیکستان در واکنش به اظهارات قیوم کوچی سفیر افغانستان در مسکو صدور ویزا به اتباع افغانستان را متوقف ساخته است.
منابع در وزارت خارجۀ افغانستان گفتهاند که اظهارات قیوم کوچی کاکای اشرفغنی و سفیر افغانستان در مسکو، روابط کابل- دوشنبه را به شدت خدشهدار ساخته است.
یک منبع در وزارت خارجه افغانستان به افغانستان. رو گفته که تاجیکستان میپندارد که اظهارات قیوم کوچی از اشرفغنی رییسجمهوری نمایندهگی میکند. زیرا از یک طرف آقای کوچی سفیر افغانستان در مسکو است و از سوی دیگر، کاکای اشرفغنی میباشد. این منبع گفت که تاجیکستان کشور دوست و برادر افغانستان است و اظهارات کوچی نمایندهگی از دستگاه سیاسی و سیاست خارجی کشور نمیکند.
یک منبع دیگر گفت که دوشنبه برای عادیسازی روابط خویش با کابل خواستار برکناری قیوم کوچی از سفارت افغانستان در مسکو گردیده است.
قیوم کوچی در مصاحبه با شفیع عیار از کاربران شبکههای اجتماعی افغانستان به آدرس تاجیکستان حرفهای تندی زده بود.
پیشتر معاون سخنگوی ریاست جمهوری گفته بود که اظهارات قیوم کوچی با یک رسانۀ محلی به هیچ صورت دیدگاه جمهوری اسلامی افغانستان را در برابر تاجیکستان تبارز نمیدهد.
اظهارات قیوم کوچی در داخل افغانستان نیز انتقادهای گستردهیی را به دنبال داشت. رسانههای جمعی و شخصیتهای سیاسی افغانستان در برابر اظهارات قیوم کوچی واکنش نشان داده اند.
سفارت افغانستان در مسکو پیشتر از سوی کاکای حامد کرزی رییس جمهور سابق افغانستان مدیریت میشد. اما اشرف غنی پس از رسیدن به قدرت عزیزالله کرزی را برکنار کرد و به جای او کاکای خودش قیوم کوچی را منسوب نمود.
لینک مطلب: https://www.ansarpress.com/farsi/5234